हेलम्बुमा स्वास्थ्य शिवीर

हेलम्बुमा भएको स्वास्थ्य शिविरमा ६०४ ले लिए सेवा हेलम्बु गाउँपालिकामा आयोजित दुई दिने स्वास्थ्य शिविरमा ६०४ जनाले सेवा लिएका छन । हेलम्बु गाउँपालिकाको आयोजना तथा कोरिया नेपाल मैत्री अस्पतालका डाक्टरहरुको प्राबिधिक सहयोग तथा डुनामिस चर्च हेलम्बुको समन्वयमा आइतबार र सोमबार स्वास्थ्य शिविर गरिएको हो ।

हेलम्बु -४ स्थित आधारभुत स्वास्थ्य केन्द्रमा सञ्चालन भएको उक्त शिविरमा साधारण चेक जाँच भिडियो एक्सरे सेवा अक्कुपन्चर सेवा दाँत निकाल्ने सफा गर्ने सामान्य शल्यक्रिया हर्निया हाइड्रोशिलको पहिचान र शल्यक्रियाको लागि नि शुल्क विमा र नि शुल्क औषधी वितरण गरिएको स्वास्थ्य शाखा प्रमुख बिदुर जोतिले जानकारी दिए ।

हर्निया , हाइड्रोसिल लगायत शल्यक्रिया गर्नु पर्ने १८ जनालाई बिमा बापतको प्रति व्यक्ति रु ३५०० प्रदान गरिने जोतिले बताए ।हेलम्बुका ८ र मेलम्चीका १० जनालाई बिमा गरे पश्चात् उक्त रकम दिइने उनको भनाई छ । ।