उद्योग वाणिज्य संघको स्थापना दिवशमा दृष्ट्रिविहीन छात्र छात्रालाई सहयोग

सिन्धुपाल्चोक उद्योग वाणिज्य संघको ३०औं स्थापना दिवश विभिन्न कार्यक्रमको आयोजना गरि मनाईएको छ । बुधवार संघले सदरमुकाम चौतारा अवस्थित वनदेवी माविमा अध्ययनरत दृष्ट्रि विहिन विद्यार्थीका लागि विभिन्न सामाग्री वितरण गरेको हो । संघका अध्यक्ष बुद्धराज बस्नेतले विद्यालयका प्रधानाध्यापक दीपक राईलाई सो सामग्री हस्तान्तरण गरेका हुन् ।

दृष्ट्रिबिहीन विद्यार्र्थीकालागि दृष्ट्रिबिहीन रेकर्डर ४ थान, छात्रावासको लागि चामल, दाल, तेल, नुन लगाएतका सामाग्री हस्तान्तरण गरिएको वाणिज्य संघका महाँसचिव ईश्वर गुभाजुले बताए । वनदेवि माविमा १० जना दृष्ट्रिविहीन छात्र छात्रा अध्ययनरत छन् ।

स्थापना दिवसकै अवसरमा सिन्धुपाल्चोक उद्योग वाणिज्य संघको चौतारा कार्यालयमा शुभकामना आदान प्रदान कार्यक्रम राखिएको थियो । सोही अवसरमा संघको विभिन्न पदमा मनोनित भएका पदाधिकारी तथा सदस्यलाई स्वागत् गरिएको थियो ।

संघको बैठकले कोषाध्यक्षमा सुरज पौडेल र सदस्यहरुमा श्रीकृष्ण बस्नेत, भूपेन्द्र थापा, नवराज श्रेष्ठ र राजु श्रेष्ठलाई मनोनित गरेको थियो ।