पुल बने सगै स्थानीयमा छायाे खुसी

सिन्धुपाल्चोक । बलेफी गाउँपालिका–७ डुम्रेचौर सान्ने र वडा नं. ८ को मजुवा जोड्ने ओख्ले खोला ट्रसपुलको उद्घाटन गरिएको छ । प्रतिनिधिसभा क्षेत्र नं.१ का सांसद माधब सापकोटाले पुलकाे उद्घाटन गरे का हुन् ।
उद्घाटन सभामा बाेल्दै सांसद सापकाेटाले पुल बने संगै दुई वडाका बासिन्दाहरूलाई आवागमनमा सहजता ल्याउने र आर्थिक, सामाजिक तथा शैक्षिक विकासमा टेवा पुग्ने विश्वास व्यक्त गरे ।

समाराेहका विशेष अतिथि बलेफी गाउँपालिका अध्यक्ष गंगा बहादुर तामाङले पुल निर्माणले विशेष रूपमा विद्यार्थी, किसान तथा व्यवसायीहरूलाई लाभ पुर्याउने बताए ।

स्थानीय बासिन्दाहरूमा पुल बने पछि सहज आवत जाउत गर्न सकिने भए पछि खुसी भएकाे स्थानीय रामकृष्ण पराजुलीले भने । नजिककाे वल्लाे र पल्लाे टाेल पनि खाेलाकाे कारण टाढा जस्तै हुन पुगेकाे साथै खेतीमा जान आउन पनि खाेलाका कारण असहज भएको अवस्थामा पुल बने सगै निकै फाइदा पुग्ने पराजुलीकाे भनाइ थियाे ।