हेलम्बु गाउँपालिकाकाे प्रशासनिक भवन बन्दै

सिन्धुपाल्चोक – हेलम्बु गाउँपालिकाले प्रशासनिक भवन निर्माण हुने भएको छ । भवन निर्माणका लागि बोलपत्र आह्वान भए संगै भवन निर्माणकाे प्रकृयाकाे थालनी भएको हाे गाउँपालिकाका अध्यक्ष निमा ग्याल्जेन शेर्पाले बताए  । यसका लागि गाउँपालिकाले सार्वजनिक सूचना जारी गर्दै इच्छुक निर्माण व्यवसायीहरूलाई तोकिएको मितिसम्म अनलाइन बोलपत्र पेश गर्न आग्रह गरेको छ ।

हेलम्बु गाउँपालिका वडा नंं.२ काे बाहुन ढाेडेनी भन्ने ठाउँमा पालिका भवन बन्न लागेकाे हाे । ५५ राेपनी जग्गा स्थानीय नागरिकबाट निःशुल्क प्राप्त गरे संगै कलात्म शैलिमा विशाल भवन बन्न लागेकाे हाे ।

गाउँपालिकाको कार्यालयबाट जारी गरिएको सूचना अनुसार, बोलपत्र नं. HRM/WORKS/NCB/2081/082-13 अन्तर्गत प्रशासनिक भवन निर्माण कार्य हुनेछ। यसका लागि बोलपत्र सुरक्षण रकम ५५,६१,०००.०० नेपाली रुपैयाँ तोकिएको छ। बोलपत्र दस्तुर १०,०००.०० नेपाली रुपैयाँ तोकिएको छ भने बोलपत्रको वैधता अवधि १२० दिन निर्धारण गरिएको छ ।

इच्छुक व्यवसायीहरूले २०८१ साल असार ३ गते (स्रोत नुसार) भित्र अनलाइन माध्यमबाट बोलपत्र पेश गर्न सक्नेछन्।