आँखा शिविरमा सयाैंले लिए सेवा, ७६ जनाकाे शल्यक्रिया

सिन्धुपाल्चोक । चाैतारा साँगाचाेकगढी नगरपालिका वडा नं. १० हर्रेका गाेपिलाल तामाङ  आँखा देख्न सक्दा खुसिले गदगद् छन् । ८१ वर्षिया  तामाङ वर्षाैदेखि दुबै आँखा देख्न सक्दैन थिए। बाहिर भित्र गर्न छामछुम गर्न पर्ने तामाङ नगरपालिकाद्वारा आयाेजित शिविरमा दुबै आँखाकाे शल्यक्रिया पश्चात् आँखा देख्न सक्ने भएका हुन् ।

जलकिनीका ७८ वर्षिय कृष्णप्रसाद पाैडेल दाहिने मात्रै आँखा देख्दथे, २० औं वर्षदेखि एउटा आँखाकाे भरमा लाैराेकाे सहारामा हिड्ने पाैडेल शल्यक्रिया पश्चात् दुबै आँखा देख्न सक्ने भएका हुन् । आँखा देखेसंगै पाैडेलले भने कुन भगवानले आँखा देखाईदियाे ।

मंगलबारदेखि सुरु भएको माेतियाबिन्दुकाे नि:शुल्क शिविरमा ७६ जनाकाे ८१ वटा आँखाकाे शल्यक्रिया भएको नगरपालिकाका स्वास्थ्य शाखा प्रमुख शिवबहादु पुरीले जानकारी दिए । चाैतारा साँगाचाेकगढी नगरपालिकाद्वारा आयाेजित शिविरमा ७२२ जनाले आँखा  जाँच गराएका थिए ।

समापन समाराेहमा बाेल्दै नगर प्रमुख कृष्णप्रसाद सापकाेटाले नगरबासिकाे स्वास्थ्य सुधारमा पालिका सम्वेदनशील रहेकाे बताए ।  स्वास्थ्य क्षेत्रमा पालिकाले याेजनावद्द ढंगमा काम अगाडि बढाएकाे प्रमुख सापकाेटाकाे भनाइ थियाे ।समाराेहमा वरिष्ठ आँखा बिज्ञ ईन्दुप्रसाद ढुङ्गेल,नगरपालिकाका प्रमुख प्रशासकीय अधिकृत बैकुण्ठ सापकाेटा, वडा नं १३ का वडा अध्यक्ष एवं नगरपालिकाकाे सामाजिक विकास समितिका संयाेजक रामप्रसाद गाैतम र पत्रकार महासंघका केन्द्रीय प्रतिनिधि परिषद सदस्य ज्ञानेन्द्र तिमिल्सिनाले मनतव्य राखेका थिए ।

नेपाल आँखा अस्पताल तिलगंगाका कन्सलट्यन्ट डा.ईन्दु प्रसाद ढुङ्गेेेलकाे टाेली संगै नगरपालिकाका स्वास्थ्यकर्मीहरु शिविरमा खटेका छन् ।