आँखाकाे माेतियाबिन्दुकाे निःशुल्क शिविर, पहिलाे दिनमै २२ जनाकाे सल्यक्रिया

सिन्धुपाल्चोक । चाैतारा साँगाचाेकगढी नगरपालिकाकाे आयाेजनामा सुरु भएको आँखाकाे माेतियाबिन्दुकाे निःशुल्क शिविरमा २२ जनाकाे सल्यक्रिया गरिएको छ । मंगलबार देखि सुरुभएकाे शिविरकाे पहिलाे दिन ६२ जनालाई चस्मा समेत वितरण गरिएको नगरपालिका स्वास्थ्य शाखाका जनस्वास्थ्य अधिकृत दिनेश नेपालले बताउनु भयाे ।

यस अगाडि वडागत रुपमा संचालन भएको शिविरबाट छनाैट भएका बिरामीलाई नगरपालिकामा संचालिल शिविरमा सहभागी गराईएकाे हाे । मंगलबार मात्रै ३०८ जना आँखाका बिरामीले नाम दर्ता गराएका छन् ।

वडागत रुपमा संचालित शिविर चल्दै गरेकाले विरामीकाे संख्या बढ्ने नेपालले जानकारी दिनुभयाे ।
शिविरकाे उद्घाटन गर्दै नगर प्रमुख कृष्णप्रसाद सापकाेटाले नगरवासीकाे स्वास्थ्य सुधारमा नगरपालिकाले अझ धेरै लगानी बढाउँदै जाने बताउनु भयाे । दलित, माझी, दनुवार समुदाय, अपाङ्ग, सहिद परिवार, बेपत्ता परिवार तथा घाइते परिवार र ६० वर्ष माथिका सबै वृद्ध वृद्धालाई निःशुल्क विमा कार्यक्रम अगाडि सारिएको बताउनु भयाे ।

शिविरमा उप प्रमुख सीता थापा, नगरपालिकाका समाजिक विकास समितिका संयाेजक एवं वडा अध्यक्ष राम प्रसाद गाैतम र नेपाल पत्रकार महासंघ जिल्ला शाकाका अध्यक्ष ध्रुव दंगाल लगाएकाले मन्तव्य राखेका थिए ।

शिविरमा सहभागी बिरामीकाेलागि नगरपालिकाले नि:शुल्क यातायात तथा भर्ना भएर बस्न पर्ने बिरामीकाे लागि खाना तथा आवासकाे समेत व्यवस्था गरेकाे नगरपालिकाका प्रमुख प्रशासकीय अधिकृत बैकुण्ठ सापकाेटाले बताउनु भयाे । शिविर बिहीबार सम्म संचालन हुने र आवश्यकता परे एक दिन थप गरेर शुक्रबार सम्म पनि संचालन गरिने सापकोटाकाे  भनाई थियाे  ।

नेपाल आँखा अस्पताल तिलगंगाका कन्सलट्यन्ट डा.ईन्दु प्रसाद ढुङ्गेेेलकाे टाेली संगै नगरपालिकाका स्वास्थ्यकर्मीहरु शिविरमा खटेका छन् ।