पालिका स्तरीय शिक्षक भलिवलमा मेलम्ची द्वितीय, विजयी खेलाडीलाई नरपालिकाले गर्याे सम्मान

सिन्धुपाल्चोक । जुगल गाउँपालिका स्तरीय प्रथम अध्यक्ष कप शिक्षक भलिबल प्रतियाेगितामा द्वितीय हुन सफल मेलम्ची नगरपालिका सहभागी शिक्षक टिमलाई बधाई तथा सम्मान गरिएको छ ।
आईतवार मेलम्ची नगरपालिकाका प्रमुख आईतमान तामाङ, उपाध्यक्ष उमा प्रदान र शिक्षा अधिकृत सुदिनराज बुढाथोकीले विजयी शिक्षक खेलाडीलाई ट्रफी, खादा तथा अविर लगाएर सम्मान गर्नु भएको हाे ।

फागुन १४ र १५ गते जुगल गाउँपालिकाकाे सेलाङ माविमा आयाेजित प्रतियाेगिताकाे प्रतिनिधि सभाका सदस्य माधव सापकाेटाले उद्घाटन गर्नु भएको थियाे । ९ गाउँपालिकाका १० वटा टिम सहभागी खेलमा आयाेजक जुगल गाउँपालिका प्रथम, मेलम्ची नगरपालिका द्वितीय र पाँचपाेखरी थाङ्पाल गाउँपालिका तृतीय भएका थिए ।

विजयी टिमलाई ५० हजार ३०हजार र २० हजार नगद, पदक तथा प्रमाण-पत्र पाएका थिए । जुगल गाउँपालिकाका अध्यक्ष गाेपाल स्याङ्वाेले विजयी टिमलाई पुरस्कृत गरेका थिए ।

खेलमा द्वितीय हुन सफल मेलम्ची नगरपालिकाका शिक्षक टिमलाई नगरपालिकामा एक कार्यक्रम विच सम्मान गरिएको हाे । सम्मान पछि नगर प्रमुख तामाङले गुणस्तरीय शिक्षा र खेलकुदलाई संगसगै लान आग्रह गर्नु भयाे । शिक्षक अध्ययन अध्यापन, खेलकुद र सामाजिक अगुवा समेत भई काम गर्दै आईरहेप्रती खुसि व्यक्त गर्नु भयाे ।

कार्यक्रममा उपप्रमुख उमा प्रधानले विजयी शिक्षक टिमलाई बधाई दिदै खेलकुद क्षेत्र शिक्षाकै अङ्ग भएकाले शिक्षक र विद्यार्थी दुबैलाई खेलकुदमा संगसगै अग्रसर गराउनु पर्ने बताउनु भयाे ।