वनमा डढेलाे लगाउनु निन्दनिय कार्य, सम्लग्नलाइ कारवाहीकाे दायरामा ल्याइने

सिन्धुपाल्चोक।  चाैतारा साँगाचाेकगढी नगरपालिकाले जंगल तथा सार्वजनिक स्थानमा आगलागी गराउन सम्लग्न हुने व्यक्तिकाे खाेजि गरि कारवाही गर्ने भएको छ ।
साेमबार नगरपालिकाद्वारा आयाेजित वन डडेलो नियन्त्रण सम्वन्धित सामुदायिक वनका उपभोक्ता समितिका पदाधिकारीहरुकाे एक दिवसीय अभिमुखीकरण कार्यक्रमका साे कुरा बताइएको हो।

कार्यक्रममा सम्बोधन गर्दै नगर प्रमुख कृष्णप्रसाद सापकोटाले वन उपभोक्ता समितिलाई नगरपालिकाले कृषि समुहसरह मान्यता दिइएको बताउनुभयो । नगरपालिकाले सहयाेगकाे‌ कार्यक्रम अघि सारेकाले वन नियम भित्र रहि कार्य गर्न र नगरपालिकाकाे कार्यक्रमबाट फाइदा लिन आग्रह गर्नु भयाे । वन विकास तथा आयआर्जनमा सहयाेग पुर्याउने कार्यक्रम आघि सारेकाे सापकोटाको भनाई थियाे।

कार्यक्रममा बोल्दै नगरपालिकाका प्रमुख प्रशासकीय अधिकृत वैकुण्ठ सापकोटाले बिभिन्न बहानामा जंगलमा आगलागी गराउनु दण्डनीय अपराध भएकाले यसलाई कडाइका साथ लागू गरिने बताउनुभयो। वन उपभोक्ता समिति स्वयत्त संस्था भएपनि वन नियम र कानूनकाे अधिनमा रहेर‌‌कार्य गर्न आग्रह गर्नु भयो।

जिल्ला डिभिजनल अधिकृत मदन कंडेलले सामुदायिक वन उपभोक्ता समितिले समयमानै साधारण सभा गर्न,वन कार्ययाेजना नविकरण गर्न, बैंक खाताबाट मात्रै काराेवार‌ गर्न आग्रह गर्नु भयाे । वनमा डढेलाे लगाउने लाइ २० हजार देखि ५० हजार सम्म जरिवाना र‌ २ वर्ष देखि ५ वर्ष सम्म कैद सजाय हुने व्यवस्था रहेकाे डिभिजनल अधिकृत मदन कंडेलले बताउनुभयो भयो।

कार्यक्रममा नेपाल पत्रकार महासंघ जिल्ला शाखाका‌ अध्यक्ष धुर्व दंगालल लगाएतकाले मन्तव्य राख्नु भनेको थियो।
नगरपालिकामा ९६ वटा सामुदायिक वन उपभोक्ता समिति रहेका छन्।