बलेफी गाउँपालिका स्तरीय राष्ट्रपति रनिङशिल्ड प्रतियाेगिता सुरु

सिन्धुपाल्चोक । बलेफी गाउँपालिका स्तरीय राष्ट्रपति रनिङशील प्रतियाेगिता शुक्रबार सुरुभएको छ । बागमती प्रदेश सदस्य सरल सहयात्री पाैडेलले उद्घाटन गरेकाे प्रतियाेगितामा बलेफी पालिकाका ११ वटा माध्यमिक विद्यालय सहभागी रहेका छन् । खेलमा ३ सय ७५ विद्यार्थी सहभागी भएको शिक्षा शाखा प्रमुख सलबहादुर पाण्डेले बताए ।

गाउँपालिका अध्यक्ष गंगाबहादुर तामाङकाे अध्यक्षतामा सुरुभएकाे प्रतियाेगितामा भलिवल, कपर्दी , दाैड, कराँते, ज्यावलिङ थ्रो लगाएत ११ वटा खेल हुँने संयाेजन गर्ने विद्यालयका प्रधानाध्यापक कृष्णप्रसाद पराजुलीले बताए ।

प्रतियाेगिता उद्घाटन सभामा जिल्ला समन्वय समितिका उपप्रमुख पदमनाथ नेपाल, गाउँपालिकाका उपाध्यक्ष सरु लामा तामाङ, वडा अध्यक्षहरुकाे सहभागिता रहेकाे थियाे ।

खेल शनिवार सम्पन्न हुने छ ।