सांसद सापकाेटाले गरे विद्यालय बसकाे उद्घाटन

सिन्धुपाल्चोक । भारतीय राजदुतावासद्वारा उपलब्ध भएको बिद्यालय बस सांसद माधव सापकाेटाले उद्घाटन गरेका छन् । बलेफी गाउँपालिका वडा नं. ४ स्थित जालपादेवी माविलाई भारत स्वतन्त्रा दिवसकाे उपलक्षमा गत २ गते बस उपलब्ध भएको थियाे । बस ३२ सिटकाे छ ।

उद्घाटन समाराेहमा बाेल्दै सांसद सापकाेटाले बस उपलब्धता संगै ग्रामीण भेगका विद्यार्थीहरुलाई आवत जावत गर्न सहज हुने बताए । विद्यालयकाे भाैतिक विकास संगै गुणस्तरीय शिक्षणमा ध्यान दिन विद्यार्थी तथा शिक्षक समक्ष आग्रह गरे ।

समारोह बाेल्दै प्रदेश सांसद अमृता नेपालले विद्यालयकाे बृहत्तर विकासमा सघाउने बताईन् । समाराेहमा मन्तब्य राख्दै बलेफी गाउँपालिका अध्यक्ष गंगाबहादुर तामाङले कार्यविधि बनाएर विद्यालय बस संचालनकाे लागि सघाउने बताए । बलेफी गाउँपालिका वडा नं. ४ का अध्यक्ष सूर्ये तामाङले गुणस्तर शिक्षामा ध्यान दिन आग्रह गरे ।

समाराेहका विच जनस्तरवाट संकलन भएको रकमवाट उपलब्ध गराईएकाे ट्याकसुट हरेक विद्यार्थीलाई बिद्यार्थीलाई वितरण गरिएकाे थियाे भने कक्षा १२ का विद्यार्थीलाई बिदाइ गरियाे । समारोह कै वीच कृष्णप्रसाद सुवेदीकाे अध्यक्षतामा शिक्षक अभिभावक संघ गठन गरियाे ।