जन्ती बस दुर्घटनामा तीनकाे मृत्यु

सिन्धुपाल्चोक । शुक्रबार विहान पिस्कर धारवतीमा जन्ती बोकेको सवारी दुर्घटना हुदा ३ जनाको मृत्यु भएको छ ।  ५२ जना घाइते भएका छन् । सो बसमा ५५ जना सवार थिए ।

विहान ७ बजेर २० मिनेटमा दोलखा क्षमावतीबाट  त्रिपुरासुन्दरी गा.पा. ५  धारवतीमा  आउदै  गरेको बा. ४ ख. ५६१६ नं. को बस दुर्घट्ना भएको हो ।

घट्नास्थलबाट घाइतेहरुको उद्धार गरी उपचारका लागि अस्पतालतर्फ लैजाने कार्य भइरहेको जिल्ला प्रहरी कार्यलय सिन्धुपाल्चोकका सुचना अधिकारी एवं प्रहरी नायव उपरिक्षक निरन्जन भट्टराईले जानकारी दिए ।

बस अनियन्त्रित भई सडक बाट अन्दाजी १ सय मिटर तल  खसेको छ । भौगोलिक कठिनाईका कारण उद्धार कार्यमा कठिनाई भइरहेको प्रहरीले बताएको छ ।

दुर्घटनामा घाइते तथा मृतकाको शव उद्धारका लागि नेपाल प्रहरी र शसस्त्र प्रहरीकाे टाेलि उद्दारकाे लागि खटेका छन् । विवरण आउन बाँकी छ ।