हाम्रो जन्मभूमि सामाजिक संस्थाले मनायाे तेस्रो स्थापना दिवस

काभ्रे  । हाम्रो जन्मभूमि सामाजिक संस्थाले तेस्रो स्थापना दिवस साथ मनाएको छ । संस्थाको अध्यक्ष गीता श्रेष्ठको सभापतित्व र समाजसेवी  सागर श्रेष्ठको प्रमुख आतिथ्यतामा संस्थाले तेस्रो स्थापना दिवस मनाएको हो ।

काभ्रेस्थित मानव कल्याण समाज सेवामा सञ्चालित सभामा हाम्रो जन्मभुमिकाे निस्वार्थ समाजसेवाको भाव देखि आफुहरु  धेरै खुसि भएको समाजसेवी सुमि मानवले बताए । प्रमुख अतिथि सागर श्रेष्ठले स्थापना कालदेखि आज तेस्रो स्थापना दिवस मनाउदै गर्दा  संस्थाले गरेको सामाजिक गतिविधिहरुको संक्षेपमा प्रकाश पारेका थिए ।

संस्थाले विविध अफ्ट्यारो परिस्थितिका बावजुध पनि निस्वार्थ समाजसेवा गरेको, पारदर्शीता अपनाएकाे हुँदा हाल सम्म   ५९ वटा सामाजिक काम गर्न सफल भएको बताए ।

अध्यक्ष गीता श्रेष्ठले संस्थालाई यो उचाईमा पुर्याउन सहयोग गर्नुहुने सम्पूर्ण सहयोगी मनहरुलाई धन्यवाद दिंदै आगामी दिनहरुमा पनि यस्तै निरन्तर सहयोगको अपेक्षा गरेकाे बताईन  ।

संस्थाको तेस्रो स्थापना दिवसको अवसरमा मानव कल्याण सेवा घरमा आश्रित ८० भन्दा बढी आमाबुबाहरुलाई एक दिवसीय मिष्ठान्न भोजन गराएर स्थापना दिवस सम्पन्न गरेको थियो ।