एमाले जिल्ला अध्यक्षमा हाेमनाराण

नेकपा (एमाले) सिन्धुपाल्चोकको अध्यक्षमा हाेमनारायण श्रेष्ठ विजयी भएका छन्। प्रत्यासी कमल नेपाललाई १४ मतले पराजित गर्दै श्रेष्ठ विजयी भएका हुन् ।

नेपालले ३४९ मत पाँउदा श्रेष्ठले ३६३ मत प्राप्त गरेक थिए । नयाँ नेतृत्वका लागि भएको मतदानमा कुल ७ सय १३ मत खसेकाे थियाे ।

नेपाल र श्रेष्ठले समूह बनाएर अध्यक्षमा उम्मेदवारी दिएका थिए ।उपाध्यक्षमा अर्जुन भण्डारी विष्णुमणी आचार्यलाई पराजित गर्दै विजयी गरे । भण्डारीले ३४५ मत प्राप्त गरे भने आचार्यले ३०७ मत पाए ।

त्यस्तेै सचिवमा कृष्णगोपाल तामाङले ४०३ मत सहित जित हासिल गरे । यज्ञराज सापकोटा २७० मत मात्र पाई पराजित भए  ।
त्यस्तै खुला उपसचिवमा शिवहरि सापकोटाले ३३६ मत पाँउदा  प्रतिद्वन्दी विजयकृष्ण श्रेष्ठले ३१३ मत पाए ।
महिलातर्फ सुशीला पाख्रिनले ४५६ मत ल्याइ बिजयी हुँदा शोभा कार्कीले २०८ मत पाई पराजित भईन ।

जनजाति खुलातर्फ दुई सदस्यमा उम्मेदवारी नै परेन ।विभिन्न क्लष्टरबाट ५६ जना सदस्य निर्विरोध चुनिएका थिए भने पदाधिकारीसहित ४४ पदमा चुनाव भएको प्रमुख  निर्वाचन अधिकृत शारदा प्रसाद सापकाेटाले जानकारी दिए ।
अधिवेशनमा सात सय ४७ जना प्रतिनिधि कायम भएका थिए ।