उद्योगी र व्यवसायीकाे पक्षमा काम गर्छु – अध्यक्ष बस्नेत

सिन्धुपाल्चोक । सिन्धुपाल्चोक उद्योग वाणिज्य संघका नवनिर्वाचित अध्यक्ष बुद्धराज बस्नेतले उद्योगी र व्यवसायीकाे हितकाे निम्ति हर पल लागि पर्ने बताएका छन् ।

आइतबार सम्पन्न ११ औं अधिवेशन पछि मतदाताहरुलाई धन्यवाद दिन सदरमुकाम चाैतारा पुगेका बस्नेतले साना र मझौला व्यवसायीकाे उन्नतिकाे लागि स्थानीय, प्रदेश र संघीय सरकार समक्ष समन्वय र सहकार्य गर्ने बताए । स्थानीय सरकार संग साना र घरेलु उद्यमीलाई जाेड्न उद्योग वाणिज्य संघले पहल कदमी गर्ने उनकाे भनाइ थियाे ।

वाणिज्य संघकाे नवनिर्वाचित सदस्य कुमार थापाले मतदातालाई धन्यवाद दिंदै उद्योगी र व्यवसायीकाे उद्योग दर्ता, कर लगाएतकाे समस्या समधान गर्न पहल गरिने बताए ।

कार्यक्रममा नेपाल पत्रकार महासंघका अध्यक्ष जीवन श्रेष्ठ , अधिवेशनमा सदस्य पदका उम्मेदवार भूपेन्द्र थापा, निवर्तमान सदस्य उजारसिं तामाङ लागिएकाले मन्तब्य राखेका थिए ।