हराईरहेकाे शब नदिकाे खाेचवाट निकालियाे

सिन्धुपाल्चोक । दुई दिन देखि हराईराखेका बलेफी गाउँपालिका वडा-२ का ५० वर्षका वीर बहादुर बि.क.मृत अवस्थामा फेला परेका छन् ।

साेहि वडाकाे अर्चले नजिकैको ब्राह्मयणी नदिमा बेपत्ता भएका उनकाे शव सशस्त्र प्रहरी १६ नं.गण सिन्धुपाल्चोक  र काठमाडौं वाट आएकाे सशस्त्र प्रहरी बलकाे गाेताखाेर टाेलिले मंगलवार फेला पारेकाे हाे ।

ब्राह्मयणी नदिकाे झाेलुङ्गे भन्ने ठाउँमा करिव २० फिट गहिराे खाेचमा पुरिएर रहेकाे अवस्थामा सशस्त्र टाेलिले शब फेलापारेकाे थियाे ।

१६ नं. गणवाट सशस्त्र प्रहरी निरीक्षक केदार खत्री र सशस्त्र प्रहरीकाे गाेताखाेर गरि २७ जनाकाे टाेली परिचालित थिए। शवलाई वडा अध्यक्ष छवि प्रसाद न्याैपानेकाे राेहबरमा आफन्तलाई बुझाईएकाे सशस्त्र प्रहरी बलले जनाएकाे छ ।