बालशिक्षा माविलाई म्याट्रेस वितरण

सिन्धुपाल्चोक \ गैरआवासीय नेपाली संघको सहयोगमा बालशिक्षा मावि खाडिचौरलाई (डन्लप) म्याट्रेस वितरण भएको छ । आउँदो एसइई परिक्षाको तयारीका लागि छात्रावासमा बसिरहेका विद्यार्थीहरुको लागि सांसद माधव सापकोटाको पहलमा ४० थान म्याट्रेस वितरण गरिएको हो ।
एनआरएनका अध्यक्ष डा. बद्री केसी र सांसद सापकोटाले विहिवार विद्यालयका प्रअ यदुनाथ नेपाललाई म्याट्रेस हस्तान्तरण गरेका थिए ।
विद्यार्थीहरुलाई छात्रावासको बसाई सजिलो बनाउन तथा चिसोवाट जोगाउनको लागि म्याट्रेस वितरण गरिएको सांसद सापकोटाले बताए । एनआरएन अध्यक्ष डा. केसीले म्याट्रेस वितरण सानो सुरुवाती मात्र भएकाले पछिको दिनमान सहयोगलाई निरन्तरता दिने बताए ।